台北人 (已結業)

最近睇到介紹 喺紅磡開咗一間台式便當店 將台鐵便當嘅口味帶過嚟香港🥢一於嚟試吓 睇吓係咪搵得返台灣正宗風味小小嘅店舖以木系裝修 簡潔舒適 有啲溫馨嘅感覺💕原來除咗便當之外 仲有其他地道小食同飲品 既然我係衝住便當而嚟 一次過買咗兩款嚟試▪️雞腿便當▫️台式香腸滷肉飯便當當日下午4點左右去到 排骨已經賣晒喇 想食好嘢真係記得趁早🥲便當嘅包裝好精緻 用木盒仔裝住 一打開已經流晒口水🤤首先雞腿好大隻 炸到金黃色 雞皮夠薄 中間嘅肉嫩滑多汁 調味亦都啱啱好 而香腸都經過油炸 外層好脆而且特別香 滷肉份量好多 絕對夠撈晒成個飯🍚每份便當都會跟咗三款配菜 我今次就有高麗菜蘿蔔絲/粉絲同埋豆瓣醬黑木耳 好豐富 送嘅冬瓜茶消暑一流 啱晒夏天飲個飯盒本身望落去細細地 點知食完都幾飽🤰🏻呢個價錢食到咁豐富好味嘅一餐 性價比絕對係高