牛大人台灣火鍋吃到飽 (加拿芬廣場)

营业中

休息中

呢排天氣又凍返，最啱就係打邊爐，今日我哋就去咗位於尖沙咀嘅牛大人去打返個午市邊爐 😋我哋大概12點到，嗰時門口已經好多人排隊，我哋兩個人被安排到卡位坐，坐得好闊落舒服！我哋兩個都揀咗「極上和牛吃到飽」套餐（$208），另外再加咗$50要咗個鴛鴦鍋，湯底揀咗「眷村白玉酸菜鍋」同店舖限定嘅「香濃牛乳起司鍋」：我同男朋友都好鍾意個「香濃牛乳起司鍋」，有好香嘅牛油味，好特別，果然冇揀錯！點嘢食就分做兩part，可以用ipad點或者自己出去拎，我哋個餐可以任點和牛，以呢個價錢可以任點和牛都真係抵 😍呢啲係用ipad點嘅：呢啲係出去拎，選擇好多：嘢飲都好多選擇，仲有牛大人logo嘅嘢飲，好有心 😘