影片
更多
2021-08-28
35 浏览
同朋友gathering想搵間坐得舒服又好味的台灣餐廳(冇計太掛住台灣美食了！), 決定試下呢間check-in Taipei.環境唔迫，坐得好舒服，仲有bar枱，好新式台灣餐廳的感覺。一黎叫左兩杯白苦瓜飲品，check-in Taipei 號稱自己苦瓜汁大王，我地叫左苦瓜蘋果同苦瓜芭樂，台灣夜市感覺返哂黎！少冰(幾乎冇冰), 百份百純果汁，唔似有啲餐廳勁多冰dilute 哂個味。苦瓜同芭樂味道好夾好清新！招牌牛肉麵先講牛肉，有三塊，每塊都厚度十足，牛味亦好足。刀削麵好有咬口好煙韌，唔會因為浸係湯耐而變淋。湯，係呢碗牛肉麵的靈魂，我成碗飲哂！有藥材味但不會太濃，炸蒜味令個湯層次昇華，不愧為招牌，下次都一定會再encore !手繪雙色鹽酥雞實物真係同menu 圖100%一樣。雞係大大件的，每一舊都炸得好juicy, 咬落去係有肉汁流出嚟，並冇誇張！雙色係指黑松露&柚子，原來雞同柚子係咁撘的，有種新式鹽酥雞食法的感覺。髒髒芋泥鹹蛋黃蛋餅實物比圖片吸引200%！我同朋友都係芋泥控，差啲未尖叫出來。味道好複雜，有鹹蛋的香味同鹹味，但芋泥的甜芋味並冇被蓋住。芋泥好甜好滑，餡好足夠！另外師傅手勢好
同朋友gathering想搵間坐得舒服又好味的台灣餐廳(冇計太掛住台灣美食了！), 決定試下呢間check-in Taipei.
環境唔迫，坐得好舒服，仲有bar枱，好新式台灣餐廳的感覺。
一黎叫左兩杯白苦瓜飲品，check-in Taipei 號稱自己苦瓜汁大王，我地叫左苦瓜蘋果同苦瓜芭樂，台灣夜市感覺返哂黎！少冰(幾乎冇冰), 百份百純果汁，唔似有啲餐廳勁多冰dilute 哂個味。苦瓜同芭樂味道好夾好清新！
招牌牛肉麵
先講牛肉，有三塊，每塊都厚度十足，牛味亦好足。
刀削麵好有咬口好煙韌，唔會因為浸係湯耐而變淋。
湯，係呢碗牛肉麵的靈魂，我成碗飲哂！有藥材味但不會太濃，炸蒜味令個湯層次昇華，不愧為招牌，下次都一定會再encore !
手繪雙色鹽酥雞
實物真係同menu 圖100%一樣。雞係大大件的，每一舊都炸得好juicy, 咬落去係有肉汁流出嚟，並冇誇張！
雙色係指黑松露&柚子，原來雞同柚子係咁撘的，有種新式鹽酥雞食法的感覺。
髒髒芋泥鹹蛋黃蛋餅
實物比圖片吸引200%！我同朋友都係芋泥控，差啲未尖叫出來。
味道好複雜，有鹹蛋的香味同鹹味，但芋泥的甜芋味並冇被蓋住。
芋泥好甜好滑，餡好足夠！
另外師傅手勢好好，每一舊夾起都冇散開，大滿足！
张贴
