影片
更多
2019-05-20
1639 浏览
上個禮拜同幾個好耐冇見既朋友聚會，大家都各有各忙，要見一次面可能要隔幾個月。難得約左出黎見到面，我地想去間舒適既餐廳小聚，食下晚餐傾下計🤗朋友推介我地去呢間叫圓山台灣料理既餐廳食台灣菜，佢地既台灣料理聽聞係幾出色，不但有齊著名既台灣菜，仲有各式各樣既地道小菜，包羅萬有～餐牌上有多款台灣美食，仲要已經分左類，有海鮮、麵飯類、小菜、湯品等等，真係未食就已經流曬口水～我地坐低冇幾耐，店員就俾我地送上茶水同埋兩碟飯前小菜，分別係手拍青瓜 🥒 同埋脆魚花生🥜。青瓜清新開胃，花生香口惹味，實屬飯前佳品～台式紅燒肉紅燒肉食起黎肥瘦均勻，入口即化，而且軟嫩多汁。如果細細咀嚼，會食到有淡雅既酒香，同埋冰糖柔和既甜味，更加襯托出肉質既甜美細緻。中菜有時會配埋花生糖粉同埋香菜，再夾入包內食用 😋😋蚵仔煎台灣著名既小食必定要講提及蚵仔煎，廚師放上蚵仔、攪拌後既雞蛋、茼蒿菜、豆芽菜等其他蔬菜後，再淋上太白粉芡水。當蚵仔熟左既時候盛起，淋上特製醬料後就可以食用。蚵仔煎味道鮮美，幾乎每個台灣夜市都可以搵到賣蚵仔煎既攤位。醬汁配方以及煎煮方式各地各家都各有不同，由最簡單既番茄醬、豆瓣醬同甜辣醬，以至店家自製獨門配方既
朋友推介我地去呢間叫圓山台灣料理既餐廳食台灣菜，佢地既台灣料理聽聞係幾出色，不但有齊著名既台灣菜，仲有各式各樣既地道小菜，包羅萬有～
餐牌上有多款台灣美食，仲要已經分左類，有海鮮、麵飯類、小菜、湯品等等，真係未食就已經流曬口水～
我地坐低冇幾耐，店員就俾我地送上茶水同埋兩碟飯前小菜，分別係手拍青瓜 🥒 同埋脆魚花生🥜。青瓜清新開胃，花生香口惹味，實屬飯前佳品～
台式紅燒肉
紅燒肉食起黎肥瘦均勻，入口即化，而且軟嫩多汁。如果細細咀嚼，會食到有淡雅既酒香，同埋冰糖柔和既甜味，更加襯托出肉質既甜美細緻。中菜有時會配埋花生糖粉同埋香菜，再夾入包內食用 😋😋
蚵仔煎
台灣著名既小食必定要講提及蚵仔煎，廚師放上蚵仔、攪拌後既雞蛋、茼蒿菜、豆芽菜等其他蔬菜後，再淋上太白粉芡水。當蚵仔熟左既時候盛起，淋上特製醬料後就可以食用。蚵仔煎味道鮮美，幾乎每個台灣夜市都可以搵到賣蚵仔煎既攤位。
醬汁配方以及煎煮方式各地各家都各有不同，由最簡單既番茄醬、豆瓣醬同甜辣醬，以至店家自製獨門配方既醬料皆有。
我地呢個係以番茄醬為主既秘製醬汁，食落酸酸甜甜好過癮 😋
水煮桂花魚
水煮桂花魚一上菜就香氣撲鼻，呢道菜選用既係上盛既桂花魚而唔係低價魚類。潔白既魚肉大片厚實，細膩鮮美，香辣入味。
水煮桂花魚大大一盆，真係物超所值。除左鮮味既魚片，入面仲加入左豬紅同晶瑩剔透既麵條，爽口彈牙 👍🏻
花雕酒蒸蝦 🦐我地見佢既花雕酒蒸蝦做緊推廣，比平時平左唔少，所以都忍唔住要幫襯下～ 鮮蝦一上枱，濃濃既花雕酒香撲鼻而來，彈牙既蝦肉經過酒既點綴，實在係別有一番風味。
呢間台式餐廳除左多元化既美食外，服務質素亦都好好～店員好有禮貌，又不斷為我地添加茶水，我同朋友都覺得滿意 ☺️💕
张贴
