醋頭家 (已結業)

曾經有一段時間周街都係飲品店，執下一又一間，靜左一輪，唔知是咪因為天氣太熱再加上一波波飲料打卡潮，飲品店又再次番生。朋友話我知元朗有新店出沒，見佢評語唔錯都好有興趣。來自台灣嘅醋頭家主打果醋飲品，取代肥仔水同咖啡，飲得健康咁話。小店位置易找，發記粥品直行便是，裝潢簡單，飲料外型樸實餐牌選擇巨多，分酵醋、鮮茶酵醋、果醋、原茶、黑糖系列、奶茶、果茶、乳酪、奶蓋等，分中/大杯，定價$14-33。可加紫蘇、酵醋、波霸、鮮果，一律$5。按過往習慣，我理論上係揀奶蓋或者黑糖類，不過由於晚飯食得太多炸物，一於試下果醋啦，畢竟是招牌。原本想加波霸試試，不過賣哂嚕。蜜桃酵醋鮮茶飲 $20/M可選紅/綠/青茶或烏龍茶，揀左烏龍，沖泡簡單，所以唔需要等候太耐。醋頭家強調挑選天然釀造果醋加水果、植物酵醋製成，醋酸唔會過份強烈。只係一開頭大口飲會有一絲嗆鼻，待搞勻後以蜜桃味為主，酸酸甜甜，確實幾清涼，稍為舒緩左晚飯嘅飽滯感醋呢家野唔係個個啱飲，好在都仲有供應其他飲品。