影片
更多
2018-06-17
53321 浏览
近排芋圓大熱，每次一打開社交網站，都會被朋友的三色芋圓照洗版。其實筆者亦十分愛吃芋圓，尤其是用嚟配仙草糖水等，不但味道清甜，而且還充滿古早風味。早前見食友去咗上環「五斗米」用膳，回來後力讚店裡的三色芋圓，不但口感爽彈，而且嚼勁十足，還力推我一定要試下。所以上個周末，趁天朗氣清，去大館參觀前，決定先來上環「五斗米」用餐。店子位於上環皇后大道中 237 號太興中心 1 座地下，舖面頗為狹窄，以外賣為主，不過店內亦設有兩張高腳櫈，可供客人作堂食之用。 先去櫃位研究一下餐牌，點菜紙很簡單，只得一頁，以麵食為主，另外亦有肉燥飯、台式滷味、特色小食、湯品、台灣風汽水、甜品、熱飲及冷飲等。雖然一心來品嘗芋圓，不過由於連午飯也還沒吃，所以決定先點一份滷雞腿肉燥飯 ($55) 打底。放置於中間嘅雞脾非常巨形，足有手掌般大，而且廚師很貼心，已經事先將雞腿一分為二，切開兩件，方便食用。雞脾肉肉質非常嫩滑，醬油味雖然不太濃，但就滷得超級入味。肉燥用上半肥瘦鮮豬肉，並以秘製醬油膏燉煮，入口味甜油香，連伴吃的白菜滷都索滿醬汁，惹味好吃。一場嚟到，無理由唔試埋店裡的另一招牌作滷味拼盤 ($55)，當然還點了兩款芋
近排芋圓大熱，每次一打開社交網站，都會被朋友的三色芋圓照洗版。其實筆者亦十分愛吃芋圓，尤其是用嚟配仙草糖水等，不但味道清甜，而且還充滿古早風味。早前見食友去咗上環「五斗米」用膳，回來後力讚店裡的三色芋圓，不但口感爽彈，而且嚼勁十足，還力推我一定要試下。所以上個周末，趁天朗氣清，去大館參觀前，決定先來上環「五斗米」用餐。
店子位於上環皇后大道中 237 號太興中心 1 座地下，舖面頗為狹窄，以外賣為主，不過店內亦設有兩張高腳櫈，可供客人作堂食之用。
先去櫃位研究一下餐牌，點菜紙很簡單，只得一頁，以麵食為主，另外亦有肉燥飯、台式滷味、特色小食、湯品、台灣風汽水、甜品、熱飲及冷飲等。
雖然一心來品嘗芋圓，不過由於連午飯也還沒吃，所以決定先點一份滷雞腿肉燥飯 ($55) 打底。放置於中間嘅雞脾非常巨形，足有手掌般大，而且廚師很貼心，已經事先將雞腿一分為二，切開兩件，方便食用。雞脾肉肉質非常嫩滑，醬油味雖然不太濃，但就滷得超級入味。肉燥用上半肥瘦鮮豬肉，並以秘製醬油膏燉煮，入口味甜油香，連伴吃的白菜滷都索滿醬汁，惹味好吃。
一場嚟到，無理由唔試埋店裡的另一招牌作滷味拼盤 ($55)，當然還點了兩款芋圓同一份麻糬。先介紹下滷味拼盤，碗內有四件百頁豆腐、台式花枝丸同台式貢丸各兩粒、一隻滷蛋和少量白菜滷。幾款當中，最喜愛就是百頁豆腐，滷至香軟又不失彈性，配上面頭的醬汁，鹹香甘甜，很地道的口味。花枝丸質感爽口又唔粉，食落有啖啖墨魚粒。另外滷蛋亦是個人的心水之選，滷得夠透，蛋黃綿軟，既入味又不乾硬，跟台灣吃到的相似。
接著當然輪到吃我至愛的芋圓，這份是熱九份芋圓 ($38)，芋圓賣相甚佳，粒粒看起來都大小一致，外層光滑，色澤自然，而且一碗就已經有齊三款口味，包括芋圓、地瓜圓同紫薯圓。芋圓食落帶天然芋香，而地瓜圓、紫薯圓都有鮮明嘅原材料香味，咬下軟糯煙韌，Q 彈細滑，加上甜度亦恰到好處，味道醇樸、古早。
至於這客黑糖仙草奶凍 ($28)，用料就比較豐富，除了三色芋圓外，碗內還配有黑珍珠和分量不少的仙草，可以一次過滿足曬我這個吃貨嘅胃口。芋圓、地瓜圓、紫薯圓各具特色，味道分明，咬下煙煙韌韌，一啲都唔粉；仙草入口唔太甜，啱啱好，仲有少少草藥味，配埋芋圓一齊食，味道一流！
壓尾嘅黑糖花生麻糬 ($16) 亦做得很有水準，不但口感鬆軟，而且質地 Q 彈，咬下有黑糖獨特的甜味和花生香，煙韌之餘，亦吃到內裡嘅粒粒花生碎，雙重滋味。
雖然這裡地方很細，坐得亦不算舒服，所以建議大家最好外賣，不過食物嘅味道真心唔錯，充滿家庭 feel，如果心癮起，想吃台食，推介大家來這裡一試。
张贴
