影片
更多
2025-01-27
2970 浏览
[ 明水然．樂 Omakase日式鐵板燒創意料理 ]港島天后站附近上個月新開呢間台灣過江龍Omakase日式鐵板燒餐廳。台灣有6間分店分佈台北、高雄等地區，連續兩年係台灣榮獲「十大高CP值頂級無菜單鐵板燒」冠軍🥇，人氣超高🔥。香港店全日供應兩款14品套餐，以Omakase方式提供日式鐵板燒創意料理，食材及烹調方法會有不同，直到上菜一刻先知道料理款式，充滿未知驚喜😮😮。 ✿ 嚴選鐵板燒套餐 $700/位主要食材：龍蝦二吃、南非鮑魚、海膽、北海道鮮貝、魚料理、美國牛厚薄燒 /日本黑毛豬厚燒 (二選一）✿ 極上鐵板燒套餐 $880/位主要食材：龍蝦三吃、南非鮑魚、海膽、鵝肝、北海道鮮貝、時令鮮魚、美國牛厚薄燒 /日本黑毛豬厚燒 (二選一）兩款套餐嘅海鮮食材相當新鮮，師傅以簡單調味帶出食材鮮味😋。當晚嘅加拿大龍蝦鮮甜彈牙、南非八頭鮑魚 配日式海苔醬 煮得鮮嫩不韌又多汁、海膽味道濃郁、鐵板鮮貝用上厚實鮮甜嘅日本刺身級北海道帶子、日本黑毛豬口感柔軟，鮮甜多汁。另外炒飯加入鵝肝粒炒製，令到飯粒好香口。$880套餐特別在有 龍蝦三吃，其中一吃係將龍蝦肉、松葉蟹肉、海膽同埋魚子醬放係紫蘇葉上，用料同埋口
港島天后站附近上個月新開呢間台灣過江龍Omakase日式鐵板燒餐廳。台灣有6間分店分佈台北、高雄等地區，連續兩年係台灣榮獲「十大高CP值頂級無菜單鐵板燒」冠軍🥇，人氣超高🔥。
香港店全日供應兩款14品套餐，以Omakase方式提供日式鐵板燒創意料理，食材及烹調方法會有不同，直到上菜一刻先知道料理款式，充滿未知驚喜😮😮。
✿ 嚴選鐵板燒套餐 $700/位
主要食材：龍蝦二吃、南非鮑魚、海膽、北海道鮮貝、魚料理、美國牛厚薄燒 /日本黑毛豬厚燒 (二選一）
✿ 極上鐵板燒套餐 $880/位
主要食材：龍蝦三吃、南非鮑魚、海膽、鵝肝、北海道鮮貝、時令鮮魚、美國牛厚薄燒 /日本黑毛豬厚燒 (二選一）
兩款套餐嘅海鮮食材相當新鮮，師傅以簡單調味帶出食材鮮味😋。當晚嘅加拿大龍蝦鮮甜彈牙、南非八頭鮑魚 配日式海苔醬 煮得鮮嫩不韌又多汁、海膽味道濃郁、鐵板鮮貝用上厚實鮮甜嘅日本刺身級北海道帶子、日本黑毛豬口感柔軟，鮮甜多汁。另外炒飯加入鵝肝粒炒製，令到飯粒好香口。
$880套餐特別在有 龍蝦三吃，其中一吃係將龍蝦肉、松葉蟹肉、海膽同埋魚子醬放係紫蘇葉上，用料同埋口感都超豐富😍。此外有香煎厚鵝肝多士，鵝肝煎得細膩滑嫩，表面有蕃茄紅酒汁、青提子清甜解油膩。最驚喜係時令鮮魚係原條台灣馬友魚😮😮，半煎炸形式烹煮，魚皮好脆魚肉結實唔乾身。
另一驚喜係雖然兩個套餐嘅湯有不同 (日式麵豉湯&龍蝦濃湯)，但餡料都有鮮甜彈牙嘅龍蝦肉👍同埋豆腐。
甜品
酥皮蘋果批 甜而鬆脆，而當月壽星生日🎂更有主廚私房甜品。
總結🫦
一個價錢就食到14品Omakase鐵板燒料理，食材新鮮所以料理只以簡單調味。用餐區有”板前區“及”海景區(非鐵板區)“兩區選擇，餐廳位於23樓層高坐享維港海景🎆。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
明水然．樂 Omakase日式鐵板燒創意料理
地址：天后電氣道54號亨環·天后23樓
電話：21151800 / 21150998 / 60768192 (Whatsapp)
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
张贴
