段純貞牛肉麵 (Tower 535) (已結業)

今日約左舊同事飯聚，呢排天氣太熱，想食d輕巧麵類，於是就揾左呢間台灣人氣牛肉麵試下。餐廳位於銅鑼灣謝斐道Tower 535地庫，餐廳裝飾簡約，帶有台灣風格，可以當自己去左旅行。去到餐廳，侍應有禮貌地帶入座，今晚我地點左: 麻辣嫩五花牛肉麵， 蒜香手撕雞乾拌麵，新鮮豚肉鍋貼，珍珠奶茶，胚芽珍珠奶茶。麻辣嫩五花牛肉麵，湯底辣度適中，湯味散出淡淡清香， 闊身手切刀工麵，麵身爽滑，煙韌彈牙，闊身麵配上麻辣湯底，確係絕配。 牛肉份量多而有牛味，似生牛肉湯河感覺，好味。蒜香手撕雞乾拌麵，手撕雞乾配上蒜香汁，加上花生碎，香蔥，味道上高了一個層次， 手撕雞乾嫩滑，值得推薦。豚肉鍋貼同平時食開的完全不一樣。 大大隻，豚肉份量十足，咬落去有肉汁流出， 真係不得了。2杯珍珠奶茶的珍珠細細粒， 煙煙韌韌，感覺好QQ。今晚我地2人都十分滿足。