私房花雕雞拌麵（$78）［好味度：7/10］
呢份拌麵上面鋪滿花雕雞切件，分量都唔少。🐣 雞嘅花雕味香濃，而且雞味都ok。☺️ 撈埋入口彈牙嘅麵條食，的確幾襯。😬
麻辣老鍋麵（$84）［好味度：7/10］
經過打邊爐家族事件之後，香港人就比較少打邊爐，驚唔衛生。😢 因為咁，呢度就衍生打邊爐代替版－老鍋麵。😂 用咗類似麻辣火鍋嘅湯底，加上火鍋常見嘅配料，包括肥牛，鴨血，墨魚丸同埋肥牛，配料份量都好多。😙 而且麵仲可以加底嘅，而且辣度係香港人接受到嘅程度，唔會太辣。🌶️ 而麻辣得都幾過癮。🥵
豆乳香香雞（$52）［好味度：7/10］
嚟得食台灣菜，點可以唔食台式小食。😗 呢個豆乳香香雞其實係炸雞嚟嘅，炸雞嘅皮薄，而且亦都好脆。👍🏻 入面嘅肉質一啲都唔乾，能夠保持住鮮嫩嘅肉質。💦 而且亦都有配搭上豆乳醬可以點，原來炸雞配上豆乳味都唔錯㗎。😉
黑糖珍珠巧克力（$33）［好味度：7/10］
餐廳提供套餐嘅配搭，除咗一個麵之外，仲有小食同埋飲品，會平啲。💸 呢個黑糖珍珠巧克力呢唔同於黑糖珍珠鮮奶，用咗朱古力，所以就甜上加甜，啱曬嗜甜者。😁 而且珍珠亦都好煙韌，富有黑糖味，都幾高質。😌
