八月堂 (已結業)

上星期路過屯門市廣場，突然聞到一陣好香嘅牛油麵包香氣，就走過去八卦一下，原來「八月堂」喺屯門開咗分店。「八月堂」係台灣人氣可頌店，台灣人稱嘅可頌，其實即係牛角包，croissant嘅中文譯音。當時大約七點幾，某d款式已經所餘無幾，不過我見佢地都有幾盤喺爐入面焗緊，陸續出爐。店鋪做緊買五送一優惠，但因為一個價錢唔平同埋諗住試味性質，就分別買咗兩個唔同嘅味道試下。松露白醬蟹味可頌 （屯門店限定）$26呢間店嘅牛角包口感酥脆，牛角包上面嘅蟹柳混合著松露白醬，再加上燒過嘅碎芝士，味道鹹鹹的，十分滋味，而且松露白醬唔只喺牛角包外面作為點綴，包入面都有松露白醬，喜歡食鹹味牛角包的人，值得一試迷戀卡士達可頌 $20Custard味一向都係穩打穩紮之選，同牛角包好夾，只係略嫌custard份量比較少。