饞。台式食堂 (已結業)

半筋半肉紅燒牛肉麵, 可以揀幼麵或者較粗身嘅刀削麵✨角切牛腱心油脂含量低而且筋呈網狀分佈, 肉質紮實而有嚼勁, 我本人非常喜歡食牛筋, 燉得軟爛嘅牛筋喺嘴裡面化開, 滿滿嘅滿足感😌湯底係香醇濃郁紅燒湯頭, 牛味香濃😋鹽酥雞件即炸嘅上枱時香氣四溢而且熱辣辣! 😍外脆內滑嘅鹽酥雞, 咬落去咔咔聲但一啲乾嘅感覺都無, 雞肉Juicy得黎肉質又夠嫩滑💖加錢可升級至魯肉飯肥豬肉燉煮到輕微軟爛, 入口即化, 本來以為會好油膩, 但入口卻一D都唔覺膩, 口唇齒間嘅膠質反而超級迷人米飯煮得恰到好處, 搭配上鹹香夠味的魯肉汁, 一口接著一口好食到欲罷不能🫣台式炸蝦卷🥰食得出係自家手工製作, 香脆可口~另外點左一杯特飲, 芝芝芒芒～芒果沙冰加芝士奶蓋, 清香芒果口味透心涼, 飲落唔算好甜👍🏻