一葉台灣料理

营业中

休息中

呢一間台式小店雖然位置偏僻唔易搵，但晚餐時間都坐滿了食客。老闆係台灣人，在香港開了一葉台灣料理已經三年，佢不但將美味的台式小菜帶來香港，最重要係佢將我對台灣人的良好印象帶來了香港。我和朋友點了碗開胃的酸辣湯($78)湯份量十足而且十分足料，有冬菇片、豆腐、豬肉絲等材料。兩個人實在食唔哂，碗湯大概是4-6人份量吧！左宗棠雞球($115) 老闆極力推介，雞球的外層炸得鬆脆香口，雞肉能保持嫩滑，配上類似糖醋排骨味道的醬汁，咸中有甜，十分美味。台式菜脯炒三寶($78)有苦瓜、茄子及四季豆。全是我喜愛的蔬菜。炒得好香，用來送飯食一流。呢間台式小店食物份量多而且小菜超有穫氣，不過環境比較嘈，想傾計就難d喇。