影片
更多
2018-04-26
159 浏览
近排台式鴛鴦火鍋熱潮都幾勁下！既然冇得飛轉台灣，就唯有係香港食餐過下癮先。今次係旺角創興搵咗呢間馬辣台式鴛鴦火鍋，啱哂心水，就同朋友兩個人入去涮一涮～因為六點就黎到，人唔係好多，但都坐到一半，另一半就未坐人，其實間舖都幾大下。裝潢模仿台灣車站。坐低先寫咗要咩湯底先，我當然要揀台式麻辣鍋啦！另一個湯底就揀咗西紅柿洋蔥海皇鍋。另外，精選肉類同埋海鮮類都係要寫紙仔點既～而且D肉會跟顏色分好，如果食咗想encore，都可以跟顏色再點。海生蝦同埋是日海鮮(即係蜆)，一黎到梗係放哂落去個鍋先啦，令個鍋更鮮味。黑毛豬梅花、黑豚五花肉豬肉有兩款，五花肉油脂較重，食落香口。但我更愛豬梅花，薄切所以好快就熟，肉香而唔會帶有膻味。美國精選牛五花、美國CAB安格斯黑牛牛五花就好似平時打邊爐淥開既肥牛咁，而我朋友就特別喜愛安格斯黑牛，貪佢食落夠香。美國Prime頂級牛梅花、美國choice牛小排而我就鍾意牛梅花，脂肪比較少，比較有嚼勁。牛小排都唔錯，脂肪與肉比例剛好。煲鍋滾起就可以放食物落去滾啦！走出去拎野食，就發現D食物真係多到不得了！呢到影到既只係其中一邊，其實仲有另一邊。有其它肉類如豬肚、豬頸肉、醉雞、滑
今次係旺角創興搵咗呢間馬辣台式鴛鴦火鍋，啱哂心水，就同朋友兩個人入去涮一涮～
因為六點就黎到，人唔係好多，但都坐到一半，另一半就未坐人，其實間舖都幾大下。
裝潢模仿台灣車站。
坐低先寫咗要咩湯底先，我當然要揀台式麻辣鍋啦！另一個湯底就揀咗西紅柿洋蔥海皇鍋。
另外，精選肉類同埋海鮮類都係要寫紙仔點既～而且D肉會跟顏色分好，如果食咗想encore，都可以跟顏色再點。
海生蝦同埋是日海鮮(即係蜆)，一黎到梗係放哂落去個鍋先啦，令個鍋更鮮味。
黑毛豬梅花、黑豚五花肉豬肉有兩款，五花肉油脂較重，食落香口。但我更愛豬梅花，薄切所以好快就熟，肉香而唔會帶有膻味。
美國精選牛五花、美國CAB安格斯黑牛牛五花就好似平時打邊爐淥開既肥牛咁，而我朋友就特別喜愛安格斯黑牛，貪佢食落夠香。
美國Prime頂級牛梅花、美國choice牛小排而我就鍾意牛梅花，脂肪比較少，比較有嚼勁。牛小排都唔錯，脂肪與肉比例剛好。
煲鍋滾起就可以放食物落去滾啦！
走出去拎野食，就發現D食物真係多到不得了！呢到影到既只係其中一邊，其實仲有另一邊。
有其它肉類如豬肚、豬頸肉、醉雞、滑牛等。
D丸既種類多到不得了，而且仲要唔係普通款，搞到我拎咗好多返去淥！而且D菜都分好哂，可以一碟碟拎返去。
連醬料都有好多選擇！
甜品櫃望落有好多唔同款既小甜品，幾靚幾吸引。
雪糕都有好多味道啊，有益力多味、青檸雪葩味、蜂蜜牛奶味、薑味、榴槤味等，任君選擇。
仲有Dreyer's雪糕，好正！
唔想食雪糕既，仲可以揀雪條tim！除咗有紅豆樂、大腳板之外，仲有我鍾意食既牛奶樂啊！
飲品竟然有咖啡同埋可以自己沖花茶飲，認真多選擇！
飲品櫃都有好多選擇，有我打邊爐最愛既Milkis！
將一堆丸放入鍋入面淥，等佢地一個又一個咁熟咗再浮起，放入口入面係好滋味，不過要小心睇熱，尤其係個D會爆漿既丸。
食咁多肉，要搵D菜中和下，娃娃菜、金菇、芋絲就啱哂啦！響鈴都係打邊爐必食！
搵返已經淥熟轉色既蝦先。
仲有呢個位係有一D師傅係到即場包餃子同埋即製甜品，你可以食住野，望住佢地整。
有鮮奶燉蛋白同埋麵包布甸，可以自取。
鮮奶燉蛋白唔會好甜，味道淡淡地。
班戟都係唔會死甜，食多件都得。
D火鍋配料款式又多，質素又正，去唔到台灣，係到食都唔錯啊！
张贴
