台北車站 (已結業)

收工突然想食雞煲。搵到呢間台灣菜竟然有雞煲食。於是就決定同朋友去試吓。麻辣雞煲。兩個人叫咗半隻雞小辣。雖然得半隻不過雞肉份量唔少。醬汁惹味香口。紫洋蔥爽甜解膩。辣度對於唔食得辣嘅人黎講剛剛好過到癮。😋紅燒豆腐煲。豆腐雖然係先炸後炆。不過一啲都唔油膩。仲有雜菇雲耳小棠菜。調味適中唔會過咸。 淨食唔使送飯都冇問題。👍香芋/朱古力珍珠奶茶。嚟到台灣菜餐廳最後都係忍唔住口叫咗台式飲品。珍珠煙韌軟熟。朱古力同香芋味都夠濃。叫左少甜甜度剛剛好。不過飲品面嘅cream真係有啲邪惡。😝餐廳食物質素有驚喜。味道控制幾好。服務員亦都態度殷勤。值得一試。👍