台食館 (福榮街)

营业中

休息中

去完福榮街買玩具，天氣又熱，就去搵間店舖食嘢。呢間有主餐又有小食，於是入去睇下。唔使等位，不過二人座位要搭枱，比較迫。 呢個餐牌有啲誤導人，喺蛋餅同吐司下面擺台式飲品，又寫免費又寫加錢，畀人誤以為呢個係一個餐，點知唔係，飲品要另外單叫嘅。 單叫一杯普通嘅綠茶，都要25元，我寧願出去台式飲品店飲，廿蚊有找。套餐價錢親民， 招牌紅燒牛肉麵(59元)， 加珍珠奶茶(加8元)。 另外叫了個芝士肉鬆蛋餅(36元)， 唔包飲品。 紅燒牛肉麵牛肉都算燘得幾腍，牛肉都入味，算係最好味嘅。幼面冇咬口，比較腍，湯嘅顏色係深啡色，不過係冇味嘅， 同食開嘅牛肉麵湯底爭好遠。 芝士肉鬆蛋餅蛋餅煎得唔夠香，裏面啲芝士好少，食唔到有芝士味 ，肉鬆嘅份量都唔算多，成個蛋餅都麻麻地。 珍珠奶茶最差就係呢杯珍珠奶茶，冇奶香亦都冇茶香，啲珍珠好韌，一啲都唔好趙。台灣嘢做珍珠奶茶做得咁差 ，單叫又貴，好彩冇再嗌第二杯台式飲品。