賞茶 (黃大仙中心北館) (已結業)

11點零鐘出去，當食早餐+午餐！揀左呢個沙茶雞翼+花枝丸撈烏冬，配杯熱珍珠奶茶半糖。有啲似快餐店形式，先俾錢買完拎個機等佢整好再去拎。賞茶喺台灣都飲過，覺得唔錯，珍珠奶茶都唔差～鍾意佢奶同茶唔會有一樣太搶，感覺都平均！同埋半糖真係唔太甜，心理感覺上會覺得健康啲，同埋唔知係咪堂食，佢地都鼓勵環保，所以唔似傳統台式飲品店會有埋膠蓋（雖然都有膠飲筒😂）。至於主食，雞翼入味既，撈烏冬都係好夠味，反而覺得花枝丸可以係清啲，唔洗咁多沙茶味，感覺會中和啲，因為個烏冬都會愈食愈鹹既感覺。但可能台式野都係感覺偏向重味啲？🙈🙈整體而言，就價格黎講，我覺得係幾值得一食既。