臺北棧 (形點 I) (已結業)

元朗形點真係飲食集中地, 各國美食俱備, 當中台食名店臺北棧也進駐這個商場, 餐廳裝修雅緻, 淺藍色枱椅和湖水藍染布天花裝飾好有格調, 地方寬敞舒適。招牌魯肉飯飯粒軟糯, 魯肉肥美滑溜, 醬汁稠厚惹味, 流心蛋滷得入味, 加上甜蘿蔔和香口嘅芝麻, 吃起來很有層次感。肉鬆皮蛋蛋餅賣相好精緻, 長條滑皮蛋餅, 餡料是惹味肉鬆和鬆化嘅皮蛋, 餅上有沙律醬和特製醬汁, 口感好豐富。蒜香三色台腸三色台腸三款口味, 不肥不膩, 加上香脆蒜片, 是一道惹味嘅台式夜市小吃。伯爵茶凍芋圓仙草好有堆頭嘅甜品, 煙韌嘅粉紅色和白色芋圓, 黑珍珠, 涼粉, 甜香綠豆和伯爵茶凍仙草, 冰凍甜潤, 口感豐富。鳳梨苦瓜汁苦瓜汁甘苦清涼, 和清甜蜜香嘅鳳梨很配合, 黃黃綠綠夠曬清潤。珍珠奶茶香滑甜度適中, 珍珠有嚼口。