嚐仙 (已結業)

今日經過旺角MOKO，突然好想食返呢一啲嘅甜品，搵搵下，又俾我搵到呢一間喺商場裏便嘅台式甜品店，嚐仙，咁我就一於試吓佢啦🫶🏻🫶🏻🫶🏻🫶🏻本來都有諗過試佢嘅芋圓，但係見份量都幾多，所以都係決定等下次多啲朋友嚟先一齊食，今次我就試咗佢呢個凍嘅薏仁綠豆湯。今次我就買完拎咗返屋企食，因為見疫情未緩和，所以都係唔堂食啦。我食得太快唔記得咗影相。講返呢一個薏仁綠豆湯，呢一個綠豆湯同平時飲嘅會唔同，佢係將薏仁加綠豆再加冰，所以拎到返屋企嘅時候我仲見到入邊有一啲嘅冰未溶得晒。但係食落真係好似台灣地道嘅綠豆湯咁，好好味呀！