百芳池上便當 (希慎廣場)

营业中

休息中

想食台灣野唔洗去台灣，銅鑼灣嘅希慎廣場都有得食！星期五晚上嘅希慎廣場food court人山人海，百芳池上便當外排著一條長長嘅人龍，我地等左差不多15分鐘先食到。我地點左一個台式便當加一個麵。百芳豬排便當($59)豬排外皮炸得鬆脆，肉質鬆軟，經過調味後十分香口。伴著玉米粒、醬油炒粉絲、炒椰菜同埋半隻滷水蛋，材料配搭同同味道都非常豐富！唔好睇佢份量少少食落都幾飽肚。另加一款台式小食皮蛋凍豆腐($20) 同埋包一杯飲品，無糖嘅金清茶王，健康又清新。百芳牛肉麵($66)牛肉係半筋半肉，炆得好入味好淋！湯底牛味香濃。另加入小唐菜、酸菜、莞茜、蘿蔔等配料，增添一番風味。可惜由於等太耐嘅關係上到枱時個湯有少少凍左，略嫌唔夠熱。大推呢杯黑糖珍珠仙草鮮奶茶，珍珠煙煙韌韌，仙草有淡淡甜味食落好清爽，幾款配料同鮮牛奶味道好夾。如果想少甜可以要求落少啲黑糖。