影片
更多
2019-05-29
109 浏览
朋友生日飯指定要食麻辣火鍋，我地就精選咗呢間試下！有齊台式養生鍋同埋四川麻辣火鍋，仲要係任食嘅，非常好🤩一入去就聞到勁大陣麻辣火鍋味，訂咗位好快就有人帶入座。依家做緊新張優惠，唔使300就可以任食麻辣火鍋，好多經典配料都可以無限添加！揀完套餐就可以出去拎醬油～出面都有幾款開胃小食蔬菜類都係出面自己拎，咁放好似係入面種菜咁😂返到去就有燉湯飲咗先！雪燕桃膠皂角米膠原三寶養顏烏雞蔘湯嘩，個名勁長，一睇就覺得好滋潤咁就揀咗飲落都好似雞湯，唔似湯水，好多膠質。飲完就開始用個湯打邊爐，免費轉鴛鴦湯底，另外拼多個麻辣鴨血鍋。第一轉係特定嘅精選火鍋配料海鮮拼盤有鮮蝦、鮑魚、元貝、廣島蠔。鮑魚同蝦都好甜呀！鮑魚多肉而且又唔太韌，蝦都好新鮮。另外仲有招牌鵝腸、唔同肉類、鴨舌、蔬菜等等。用麻辣湯煮嘅鴨舌好惹味！仲有台灣水蓮食添，但想再食就要加錢了。麻辣牛肉辣得好正，仲有大大塊嘅油豆腐串，吸晒啲湯！其實食完以上嘅食物已經飽飽地，但又想試多啲款式，好彩每款份量都細，可以食多啲唔同嘅餸～窩蛋牛肉好滑漏，醉雞都醃得好入味，肉類最愛呢兩款。好似餐牌咁寫「飽到上心口都要食埋佢」黑糖糍粑同冰粉，本身仲辣緊，食返啖冰粉即刻
一入去就聞到勁大陣麻辣火鍋味，訂咗位好快就有人帶入座。
依家做緊新張優惠，唔使300就可以任食麻辣火鍋，好多經典配料都可以無限添加！
揀完套餐就可以出去拎醬油～
出面都有幾款開胃小食
蔬菜類都係出面自己拎，咁放好似係入面種菜咁😂
返到去就有燉湯飲咗先！
雪燕桃膠皂角米膠原三寶養顏烏雞蔘湯
嘩，個名勁長，一睇就覺得好滋潤咁就揀咗
飲落都好似雞湯，唔似湯水，好多膠質。
飲完就開始用個湯打邊爐，免費轉鴛鴦湯底，另外拼多個麻辣鴨血鍋。
第一轉係特定嘅精選火鍋配料
海鮮拼盤有鮮蝦、鮑魚、元貝、廣島蠔。鮑魚同蝦都好甜呀！鮑魚多肉而且又唔太韌，蝦都好新鮮。
另外仲有招牌鵝腸、唔同肉類、鴨舌、蔬菜等等。用麻辣湯煮嘅鴨舌好惹味！仲有台灣水蓮食添，但想再食就要加錢了。
麻辣牛肉辣得好正，仲有大大塊嘅油豆腐串，吸晒啲湯！
其實食完以上嘅食物已經飽飽地，但又想試多啲款式，好彩每款份量都細，可以食多啲唔同嘅餸～
窩蛋牛肉好滑漏，醉雞都醃得好入味，肉類最愛呢兩款。
好似餐牌咁寫「飽到上心口都要食埋佢」
黑糖糍粑同冰粉，本身仲辣緊，食返啖冰粉即刻解咗好多，同埋有好多粒粒配料，都幾正宗！糍粑中間比較空心，而且有啲痴牙，食一兩舊就止了。
全場由頭食到尾嘅仲有鴨血，同本身個麻辣湯真係好夾，又滑滑的， 我覺得凈係任食鴨血都好抵啦！要推介畀身邊鐘意食麻辣火鍋嘅fd 先🤪
张贴
