老鍋台式火鍋 (京都廣場) (已結業)

-🔸老饕酸菜白肉鍋 $158🔸老鍋丸較井字盤 $98🔸涮鍋小羊肉片 $98🔸鹽酥一口豆腐 $48🔸冷泡白桃烏龍茶 $28-一向都好鍾意打邊爐，唔理春夏秋冬四季都要打，近排天氣涼涼哋更加係食火鍋嘅最好時機啊！近排成日都打港式邊爐，今日就嚟到銅鑼灣打個台式火鍋！啱啱起身未想食辣嘢住，所以冇揀到好吸引嘅麻辣鍋，轉移目標揀咗酸菜白肉鍋，酸酸哋嘅醃菜煮出嚟嘅湯底好開胃，再加埋大量冬菇、白菜、蕃茄、粟米，個湯底真係越煲越甜啊！個鍋本身都好多配料食，所以另外叫多少少就夠。羊肉片幾厚切有羶味好正、蛋餃包住juicy嘅肉饀都唔錯、墨魚丸都好新鮮彈牙，再叫多份一口豆腐，外層薄脆加咗椒鹽粉好惹味，內裡又好嫩滑，正啊！