影片
更多
2021-09-08
244 浏览
話說同朋友煩惱緊去邊區搵嘢食之際，突然靈光一閃，不如大角咀？! 一個好耐無踏足過嘅小區上網極速望望有咩食店選擇，鎖定咗呢間*良心小店，食台式嘢，位處小街，由奧運站行落去大概15分鐘推門入內，星期日嘅下午竟然一枱客都無！食物都算多選擇，點了3 款主食再加飲品，應該滿足吧！▶️鹽酥雞肉燥飯 (轉拌麵) - 雞件份量夠多，外皮炸到香脆可口，肉燥就稍為咸咗少少，但可以接受 ($59)▶️台式香腸肉燥飯 - 台式香腸不咸反而口味較甜，仲有少少爆汁，唔錯！($59)▶️珍寶吉列蝦肉燥飯 (轉拌麵) - 真係不能不讚！首先蝦嘅size 夠晒大，其二就係個脆漿做得好好，炸到金黃色而食落香脆惹味，絕對可以媲美出面啲吉列炸物專門店！($59) 追加咗一份鹽酥雞 (+$8)▶️珍珠奶茶 - 好飲！同市面上嘅台式茶飲店不相上下，主食 (+$5)就可以加配，另(+$10) 就可以加配其他飲品，有冰沙/奶綠/奶茶/咖啡/特色飲品總結：整體而言食物質素唔錯，多選擇，小店嚟講係有誠意，店舖不大但裝修格局令人舒服。小店經營一啲都唔容易，希望大家多多支持！
上網極速望望有咩食店選擇，鎖定咗呢間*良心小店，食台式嘢，位處小街，由奧運站行落去大概15分鐘
推門入內，星期日嘅下午竟然一枱客都無！食物都算多選擇，點了3 款主食再加飲品，應該滿足吧！
▶️鹽酥雞肉燥飯 (轉拌麵) - 雞件份量夠多，外皮炸到香脆可口，肉燥就稍為咸咗少少，但可以接受 ($59)
▶️台式香腸肉燥飯 - 台式香腸不咸反而口味較甜，仲有少少爆汁，唔錯！($59)
▶️珍寶吉列蝦肉燥飯 (轉拌麵) - 真係不能不讚！首先蝦嘅size 夠晒大，其二就係個脆漿做得好好，炸到金黃色而食落香脆惹味，絕對可以媲美出面啲吉列炸物專門店！($59) 追加咗一份鹽酥雞 (+$8)
▶️珍珠奶茶 - 好飲！同市面上嘅台式茶飲店不相上下，主食 (+$5)就可以加配，另(+$10) 就可以加配其他飲品，有冰沙/奶綠/奶茶/咖啡/特色飲品
總結：整體而言食物質素唔錯，多選擇，小店嚟講係有誠意，店舖不大但裝修格局令人舒服。小店經營一啲都唔容易，希望大家多多支持！
张贴
