牛壹台食x可可豬外賣專門店 (已結業)

係九龍灣返工有好多餐廳/外賣店都好想試，最近就去左新開既【牛壹台食】試下。呢間外賣其實以前只係做海南鷄，但最近就新加左台灣菜。今次就試左兩個出名既招牌主食。紅燒牛肉麵：牛肉分量好多，湯底好香牛肉味，而且麵既分量都好多、麵粉味好足。不過略嫌“紅燒”味無咩，不過整體算唔錯。特色椰香海南鷄飯：海南鷄好嫩滑，分量多，有鷄味。不過可能係外賣店，D飯有可能係整定係到，所以有少少偏乾。不過D汁可以補救返。海苔鹽酥鷄：唔太似平時食既鹽酥鷄，比較似美式既popcorn chicken。其實味道係唔錯，不過唔係我expect既鹽酥鷄。金梅地瓜條：呢個個人比較推薦，厚切地瓜條，非常脆。另外仲加左酸酸甜甜既梅子粉，好解膩！熱柚子茶：正正常常，唔會太稀同淡。