饞。台式食堂 (廈門街)

营业中

休息中

放工約咗朋友食飯，朋友話想食台式，話灣仔附近有一間唔錯，帶我去試下。饞・台式食堂位於灣仔廈門街。餐廳分兩層，環境乾淨。正宗台灣美食，款式選擇多。半筋半肉麵牛筋軟爛入味，紅燒湯頭濃，湯底香氣四溢。牛肉大大塊，牛筋彈牙，充滿膠質。刀削麵，粗身夠薄，掛湯一流。饞食堂香腸滷肉飯肥瘦比例完美，配上爆汁香腸。香腸搭配蒜片，味道完美配合。黑松露土雞湯松露香氣獨特，配著土雞，湯頭鮮甜。材料十足，雞肉鮮美。蜂蜜金桔檸檬蜂蜜、金桔同檸檬汁，比例完美，味道酸酸甜甜。