8鍋臭臭鍋 (金巴利道) (已結業)

鴨血第一次食鴨血，原來係有點似豬紅咁係啫喱狀，口感好好，個質地好彈，味道好濃郁，但又唔會有腥味，有香料同藥材既味道。滷肉飯個套餐的CP值幾高，$88一個鍋配飯或麵，仲有飲品，我見到滷肉飯太吸引，就加左$12轉滷肉飯。滷肉個口感都係好好，軟之中帶少少彈牙，而且非常入味。而且滷肉份量非常之多，可以完完整整咁撈哂成個飯。招牌臭臭鍋超有台灣特色，好似台式臭豆腐個種臭得黎又香，加上小辣既惹味，個味道真係一流，仲有十幾款配料，臭豆腐、沙香、大腸、粉絲同貢丸等等，好滿足喔！米血糕口感好煙韌，而且味道好好，除左有臭臭鍋獨特既味道外，仲保留到本身既味，兩種味道好有層次。豬紅非常Q彈，完全吸收湯底既味道。跟住餐牌調製的醬汁，風味好獨點，想轉下味道時就可以點下。跟餐的台式檸檬冬瓜茶，下火又解渴。