阿元菜市場 (科士街) (已結業)

朋友話西環開左間新餐廳想試下，就約左我陪佢食。食之前我就捻住上OpenRice 做下功課睇下有咩好食，點知都見到唔少負評，心捻好似有啲伏咁。但都應承左朋友就唯有照去食喇點知食完我係覺得有驚喜嘅現炒石頭鍋$169 職員會係你隔離炒呢個石頭鍋，而炒嘅時候真係聞到勁勁勁香蒜頭味炒完之後就會加湯，職員話呢個鍋係用一半魚湯，一半豬骨湯做湯底（好似好特別咁）但係放啲火鍋料落去烚，味道又好似冇乜特別。香有而味不足，有少少失望。因為呢個係招牌菜而且比我叫普通火鍋貴多廿蚊左右。去骨雞腿排配勁爆麻辣鍋$129+15(麻辣鍋要加多15蚊)呢個鍋好香口唔會太辣，啲雞肉好滑鍋入面仲配左少少鴨血，都抵加多十五蚊嘅每個鍋都會跟一個白飯，而我就加多10蚊轉左滷肉飯。 個滷肉飯都好好味💕而我覺得最好味，最好味，最好味係佢啲菜呀蔬菜部份是以任食的模式，全部蔬菜都十分新鮮。岩晒我呢啲最意多菜少肉嘅人🥰呢度甜品得一個款，咁我地就叫黎試下。點知係涷食黎，而且味道一般。各位可以唔洗試都得。總結埋單五百蚊兩個人，CP值不算很高的餐廳 ，但是少有主打蔬菜的火鍋之選。