2派克雞排

营业中

休息中

2派克雞排係紅磡嘅一間小店，係台灣過江龍😌主打台式炸物小食～ 脆皮無骨雞排係必試之選，炸漿薄身，外邊脆卜卜，就算用嘅係雞胸肉，入邊嘅肉質都十分嫩滑Juicy，再配上梅子粉同芝士粉做調味，甜甜酸酸又夠惹味。梅子粉仲要香港唔常見～另外，仲試咗脆皮百頁豆腐同脆皮杏鮑菇，都係出色嘅。脆皮百頁豆腐加咗海苔粉調味，外邊酥脆香口，咬落少少彈牙。而脆皮杏鮑菇就揀咗麻辣粉做調味，小辣味道適中，唔會搶晒菇本身嘅鮮味。留意返店鋪冇得坐，只能外賣，買返屋企慢慢嘆都唔錯。我就拎咗去附近嘅公園度食