一鼎‧台式火鍋 (屯門時代廣場北翼)

营业中

休息中

之前經過屯門時代廣場千色對面一直裝修緊，今日經過見到有間新餐廳「一鼎·台式火鍋」，餐廳主打一人一鍋台式火鍋，最緊要可以自己一個人入去打邊爐。餐牌有4個放題可以選擇，我簡了$399，澳洲M8純和牛+西班牙伊比利亞豬梅花。餐廳除左手機落單，自助吧亦有多款丸類，蔬菜類、麵類，多達三十多款選擇。我簡了鳳梨蕃茄濃湯鍋，蕃茄味非常濃郁，唔會愈食愈淡。澳洲M8純和牛+西班牙伊比利亞豬梅花以兩款肉類非常高質，兩款肉類切得厚薄適中，澳洲M8純和牛分布均勻，入口即化，肥而不膩，牛味濃郁，另外西班牙伊比利亞豬梅花好有驚喜，切得夠簿，肉質軟嫩有彈性，平時打邊爐比唔食豬肉既我都encore 左幾次。除左有火鍋配料，亦有台灣小食，前菜、紅燒滷水、滷肉飯、台式酸辣湯等等，由於我自己一個食，食唔到咁多，下次要再同朋友黎一齊再食。飲品除左自助櫃拎之外，原來仲有台式茶飲任飲，我點左黑糖珍珠鮮奶，估唔到超大杯，珍珠煙煙韌韌，甜度適中，飲埋以杯飲品，已經好飽肚，最後食埋3.5牛乳雪糕，真係飽到上心口。