老鍋台式火鍋 (京都廣場) (已結業)

打邊爐令我最開懷，莫過於台式火鍋，真係有種獨特嘅味道，今日搵咗呢間老鍋嘆吓先。好，坐低睇吓有咩好食先。麻辣鍋，一嚟到已經聞到好香，好麻嘅味道，配料嘅鴨血又爽又滑，正！鮮豬爽肉，肉質食落爽脆，有啲似豬頸肉。鮮蝦雲吞，好新鮮，皮薄餡料多。安格斯手切牛，花紋好整齊，顏色夠紅夠鮮，食落牛味重。芝士牛丸，手打牛丸入面，有流心芝士，唔錯。牛骨髓，滑嘟嘟用嚟打邊爐一流。王子麵，啲麵索晒個湯底，打邊爐必食。冬瓜茶、杭菊露，清涼解渴又清熱。