影片
更多
2019-02-27
114 浏览
香港人一年四季都離不開火鍋，由港式、台式、川式，以至日式，都有不少捧場客。筆者雖然說不上是個火鍋痴，但也極愛吃火鍋。早前從朋友處得知，本地台式火鍋連鎖店「老鍋」，於銅鑼灣開設了旗艦店，新店地方很大，佔地約 5,000 平方呎，而且餐廳為了配合台灣主題，更於店內設置獨有的台式電子天燈，讓食客可猶如置身於台灣般，感受放天燈的浪漫氣氛，所以趁這天完成手頭工作，下班後，就拉埋老公兩口子來吃頓火鍋。餐廳位於駱克道 491-499 號京都廣場 2 樓，門口設有一幅大型電子許願天燈牆，客人可於平板電腦上寫下願望或祝福語，並將心意投射於牆上，用來為親朋好友慶祝，表達心意。至於店內裝潢亦非常之有特色，以深色的原木為主調，配上古意盎然的紙燈，令餐廳顯得古樸雅緻。細心留意，原來兩邊的卡座更設有屏風作間隔，型格之餘亦能增添私隱，無論拍拖撐檯腳，抑或細 Group 食飯，一樣 Good Fit。安坐後，先點湯底，店裡的湯鍋，共有 4 款可供選擇，包括麻辣鍋、酸菜白肉鍋、美人鍋及養生鍋。至於火鍋料方面，項目亦不少，有精選肉類、時令海鮮、手工丸類、餃類、豆品類和新鮮蔬菜等，另外亦有一系列巧手小食。另外茶芥及醬料就以
早前從朋友處得知，本地台式火鍋連鎖店「老鍋」，於銅鑼灣開設了旗艦店，新店地方很大，佔地約 5,000 平方呎，而且餐廳為了配合台灣主題，更於店內設置獨有的台式電子天燈，讓食客可猶如置身於台灣般，感受放天燈的浪漫氣氛，所以趁這天完成手頭工作，下班後，就拉埋老公兩口子來吃頓火鍋。
餐廳位於駱克道 491-499 號京都廣場 2 樓，門口設有一幅大型電子許願天燈牆，客人可於平板電腦上寫下願望或祝福語，並將心意投射於牆上，用來為親朋好友慶祝，表達心意。
至於店內裝潢亦非常之有特色，以深色的原木為主調，配上古意盎然的紙燈，令餐廳顯得古樸雅緻。細心留意，原來兩邊的卡座更設有屏風作間隔，型格之餘亦能增添私隱，無論拍拖撐檯腳，抑或細 Group 食飯，一樣 Good Fit。
安坐後，先點湯底，店裡的湯鍋，共有 4 款可供選擇，包括麻辣鍋、酸菜白肉鍋、美人鍋及養生鍋。至於火鍋料方面，項目亦不少，有精選肉類、時令海鮮、手工丸類、餃類、豆品類和新鮮蔬菜等，另外亦有一系列巧手小食。另外茶芥及醬料就以人頭計，每位 $20。
湯底揀左美人鍋，而配料方面就點左牛肩肉、手工丸、炸魚皮、魚肚、冰菜和米粉，另外再加左兩杯烏梅汁。趁湯底未上，先去「調料吧」混醬，返回座位時，食物已經全部送上，效率超高。
美人鍋 ($228) 材料非常豐富，除了原隻烏雞外，還有桃膠、杞子、紅棗、南棗及其他中藥材。湯底非常清甜，喝下去帶淡淡藥材香，補而不燥，既滋潤又養顏。桃膠的質地比燕窩更重膠質，食起來好像吃了美顏補品般。另外隻烏雞味道亦唔錯，熬至骨肉分離，加上肉質夠嫩滑，令人吃得相當滿足。
至於火鍋料方面，先吃老公最愛的牛肉，這碟精選手切牛肩 ($198) 非常正斗，不但色澤紅潤、網紋雪花勻稱，而且每片的肉脂都平衡得恰到好處，入口鮮甜軟滑，灼熟後牛味依然濃郁，既軟腍又不失咬口，就算食多幾件都不覺膩滯。
手工丸方面，點左芝士牛肉丸拼黃金鹹蛋黃豬肉丸 ($58)，牛肉丸以人手打製，丸心釀滿幼滑 Creamy 的芝士，一啖咬下，芝味同牛香味融為一體，真係回味無窮。至於另一款手打豬肉丸，水準亦不俗，食落夠鬆軟又有肉汁，加上鹹蛋黃的油香滲曬落肉丸入面，真是愈「邪惡」愈美味！
另外呢款鹹蛋黃炸魚皮 ($68) 亦屬必試之物，成品以即炒鹹蛋黃拌上鮮炸魚皮炮製，所以食落香氣較坊間的濃厚，入口薄脆鬆化，有起沙感，富鹹蛋黃香味。
食完咁多肉同香口嘢，就嚟個高纖低卡的冰菜 ($58) 平衡一下。冰菜是近年人氣食材，最突出的表徵就係表面上的那層天然水珠，加上口感亦非常特別，爽口的同時亦帶有一點滑溜的感覺，絕對值得一試。
至於這客皇室魚肚 ($88) 識食嘅人一定係留喺最尾先食，因為魚肚索曬所有材料的精華和湯汁，食落軟綿綿，超入味。結尾的新竹米粉 ($48) 亦很有水準，不但質感柔韌，而且食落清爽彈牙。
飲品點左沖繩黑糖烏梅汁 ($28/杯)，烏梅汁以台式方法製作，並且加入了洛神花、黑棗等材料，味道甜甜地，帶梅子的酸香，生津解渴。總括而言，這間餐廳的食物質素十分之高，而且亦坐得非常舒服，下次有機會也必定會再來。
张贴
