鼎王麻辣鍋 (金巴利道) (已結業)

因為各種原因好耐冇再食大6開過黎的海X撈，但一直未搵到類似服務的麻辣火鍋店，一早聽聞台灣鼎王比海X撈好食好多，服務都好好，湯底更好食唔會死辣，今日終於試到，真係唔同D！佢嘅湯底基本上係冇得揀，得2款：麻辣鴨血鍋同酸菜豬肉鍋，我地叫左鴛鴦小辣小酸，後尾覺得唔夠辣店員都再加左辣比我地。本身湯底入面的料已經好入味好好食，酸菜同鴨血可以任加，店員加湯的時候會問埋加唔加，好貼心。而且麻辣湯似冇乜味精，食完冇特別口渴，讚～ 我地叫左豬腩肉、五花去骨鮮牛、豆皮、蟹滑膏、滷拼盤，特別推介食內臟嘅人食滷拼盤，好好食！滷得好入味，冇奇怪味之餘渌左一段時間仲好滑嫩。個種，似大卷嘅枝竹，吸曬D湯汁但又唔會好似響鈴咁濟，好食！豬腩肉同五花去骨鮮牛都好新鮮，仲好大碟，2個人真係食唔曬2碟。最後讚下佢地個水蜜桃紅茶，好refreshing~ 有凍嘅就更好啦！