老鍋台式火鍋 (京都廣場) (已結業)

週末中午，又係同老公行街食晏嘅日子，天氣涼涼地，已經一年多未食過台式火鍋，就近近地，去京都廣場老鍋食台式火鍋😄火鍋湯底我哋揀咗老饕酸菜白肉鍋🥘，有五花腩、大蔥粟米、蕃茄、冬菇、寬粉條同醃製東方大白菜，材料豐富，酸味味醒胃😋另外有駌鴦鍋、養生鍋、麻辣鍋同美人鍋可以揀😄涮鍋小羊肉片，台灣鯛魚片羊肉片薄切，肉色鮮嫩，鯛魚片厚切，肉質紮實冇骨😋老鍋丸餃井字盤，王子麵墨魚丸同蛋餃各四粒，墨魚丸彈牙，蛋餃即係豬肉餡蛋角，細粒但好食😄，王子麵估唔到麵質都幾滑，而寬粉條吸收咗火鍋湯汁，食落酸酸哋，又爽口，更加好食😋冷泡白桃烏龍茶潤燥解膩，係火鍋最佳配搭👍