氣噗噗 (已結業)

馬鞍山台式火鍋店，90分鐘任飲任食，新開業期間，每位客人都會贈送一杯台式飲料，填左紙直接交比職員就可享有優惠。入座後先揀湯底，我同朋友揀左鴛鴦火鍋湯底，分別係中華豚骨湯和滋味牛骨湯，湯底味道鮮甜，用料十足。跟住就揀吃到飽套餐，我哋揀左精選吃到飽，可以任食精選牛五花、上等豚梅花、嬤嬤花雕醉雞、地瓜薯條，用QR code 落單，其他配料就自己出去攞。揀好就出去任食自助區攞火鍋配料和台灣經典小食，丸類、菜類、滷水 小食、關東煮、飲品及甜品等等，多達50款供應。牛五花肉帶有豐富既油脂，同時擁有濃郁既牛味。上等豚梅花肉質細嫩，煮熟後，增加肉既鮮味和甜味，讓人感受到肉本身既風味。值得一讚係店員既服務，十分主動加湯，令我同朋友享受到滿意既一餐。