焱手工涮涮鍋 (已結業)

天氣越熱就越想食邊爐，最近既飯局就密密搵爐友試唔同邊爐☺️試到依間出名手工火鍋料同台式鍋底😸三個人食，決定就食依個套餐🍲野飲都有好多揀🤔🤔我地坐低冇耐就比依個調料盤我地自己執，基本野一定有，仲有芝麻醬、蒙古涮涮醬、菜脯醬、沙爹醬✨野飲都上得好快，我地嗌左紫貝天葵，酸酸瞇瞇好解渴😗柚子醬沙律同手撕雞，前菜黎講清爽開胃🤤我地嗌左東方美人鍋同人蔘藥饍鍋🤤中間仲有個清酒煮蜆湯🤤見住佢放酒入去燒哂加雞湯真係好期待。我地一直將海鮮放入中間既清酒湯，最後個湯鮮到不得了，我要飲完又飲😋蝦彈牙，帶子鮮甜，魚爽滑，蟶子大大隻又好食🤤啱我海鮮友依個即炸響鈴，一上枱已經香到我地忍唔住，放入湯五秒即食，好食到想encore☺️手工拼盤，多數都係滑類，入口彈牙😀牛有牛味，冇渣🤤🤤蔬菜都好新鮮，清下腸胃😗食到好飽之後仲有甜品，完美句號！