茶木‧台式休閒餐廳 (已結業)

茶木勝在分店夠多，位置就腳，所以今次想食台灣野，就去左旺角瓊華分店。樓上鋪好大間，坐得幾舒服。芝心雞翼燒得個皮燶燶地，幾香口，裡面仲有拉絲芝士。三小碟就有三款前菜，最岩一大班人share。話梅粉地瓜條炸得脆，天然蕃薯味都夠甜，太陽鹹蛋雞中翼就比較鹹左d。紅燒半根半腩牛肚麵幾多餸，濃味得黎亦唔會太鹹。芝心雞翼肉燥飯都幾大碗飯，一個人未必食得哂。抹茶紅豆奶蓋岩漿蛋糕賣相好靚，而且無諗過原來甜品都咁巨型。切開蛋糕裡面仲有好多抹茶奶蓋同粒粒紅豆，好足料。黑糖珍珠奶茶奶味比較重，唔係好覺黑糖味。芒果冰沙打得幾幼滑，無乜冰粒，飲完好冰涼。紫薯奶蓋好多cream，稍為甜左d。黑糖珍珠紅豆奶茶同樣都係唔係好覺黑糖味，不過就多左粒粒紅豆。黑糖冬瓜茶消暑解渴，最岩夏天飲。