阿木台灣麵 (廣華街) (已結業)

叫咗個番茄牛肉牛筋麵。首先個湯底勁濃番茄味🍅，仲有啲番茄粒，而且唔會太咸，感覺用好多番茄整個湯底😍。 啲麵係幼麵，軟硬適中，幾有口感，同埋都可以吸收到番茄湯。個牛展同牛筋勁淋，近乎入口即化，同都幾有牛味😝。食到中段，加咗店入面嘅自家製麻辣醬落個麵，個醬勁香，而家唔太辣，少少麻，就算食唔到辣都可以加少少。之後仲有個鹽酥雞，份量十足，而且個皮都唔係太厚，啖啖肉，口感不錯。最後有個鹽味奶蓋四季春，我叫咗微甜，個奶蓋都有芝士味🧀，但唔係好濃果一隻，所以無咁「留」。個茶就普通，唔會太甜，加埋奶蓋都幾好飲😋。