桃園眷村 (已結業)

今日出旺角同個friend 行街，行過朗豪坊見到有間台灣小食排滿曬人，係食荳漿同油條，因為聞到啲荳品香味，我地忍唔住跟隊排埋一份。地方裝修好台式，有啲文青feel。排左一陣到我，排隊果時已經想好，一口氣叫左五樣野。鹹荳花，紅茶荳漿， 熏肉蛋燒餅，冰荳漿， 油條。檯面Pager響起，即去取餐。油條好脆，不過有啲油，連個袋都有油，但配鹹荳花一流。 鹹荳花同蔥菜甫，攪勻一齊食，味道好配合。我覺得好驚喜。冰荳漿比較淡，荳味唔太濃，淡淡哋都幾解渴。紅茶荳漿，味道幾得意，有啲似花生醬開水。紅茶味反而飲唔到，杯野都幾杰，飲完都飽肚。熏肉蛋燒餅，啲皮好脆，一口咬落，成檯都係餅碎。好似煙肉蛋三明治，不過用左燒餅取代白麵包，我覺得比較燒餅乾身，但都幾好食。老爸講得對，只要專心做，就算做最簡單嘅野，做得比人出色，都會有成功的一日。呢間荳品店應該係一個好例子。