茶木‧台式休閒餐廳 (已結業)

好彩我早收工~ 落到元朗6點半~ 唔駛等位就入o左去~ 等到老公嚟到o個陣出面已經好多人啦...不過入座計食個半鐘我地點都夠時間...單點o左兩個飯...炸豬扒肉燥飯同埋蚵仔湯飯~ 再加個三候甜品~ 我個炸豬扒肉燥飯份量都ok~ d肉燥都夠多~ 同埋好多汁~ 隻鹵水蛋都好入面~ 仲有少少糖心~ 唔錯~ d豬扒真係好香口~ 不過d肉就稍為鞋o左d...而且唔多夠台式椒鹽粉...淨係第一啖食到...之後都無...老公o既蚵仔湯飯我試o左一啖~d蚵仔好滑~ 而且個湯好濃味~我見老公連d湯都飲晒就知味道應該唔錯~ 之後再一齊食埋芒果雪糕磚~ d吐司已經切好晒件...上面d雪糕, cream同蜜糖流晒落去真係正到爆~佢連個吐司個框都係烘到好脆~ 好好味~ 三大塊厚多士我地全部食晒!!! 真係飽到上心口!!! 離開時7點半...出面已經超多人排隊...想食好o野真係要請早呀~~~