老媽拌麵 (THE FOREST) (已結業)

今晚去左旺角波鞋街既THe FOREST度搵食呢個唔大唔細既商場，愈開愈多餐廳今晚就揀左呢間老媽拌麵，食番餐台菜我地叫左兩個麵，兩個小食同一杯野飲😆先黎既係花雕雞拌麵😋😋拌麵一放低就聞到好濃既花雕酒香味雞肉煮到深色，而且咁香花雕味，一定已經煮到好入味😍😍雞肉既口感比較結實，因為煮到咁入味，就唔係滑雞果種口感，但係又唔會柴👍🏻結實既雞肉有咬口，而且一路慢慢o趙，雞肉入面既花雕味就一路滲出黎，比起上海醉雞果種花雕雞肉，呢種煮到入味既花雕雞亦都有佢既魅力麵我地揀左幼麵，撈麵既汁都係偏向深色，但係花雕味就冇咁雞肉咁濃，不過咸咸地帶甜，加上醃蛋同其他配料，味道唔錯😋👍🏻跟住係清燉三寶牛肉湯麵🐂麵一上，緊係畢啖湯黎飲下先牛肉湯既味道唔錯，清得黎又香牛肉味，而且仲飲到蘿蔔同其他香料既味😆湯麵我地揀左刀削麵，除左想喺食既時候，闊邊既麵可以掛更多肉湯，仲想食下呢種刀削麵中間有韌度側邊又軟滑既口感三寶牛肉，除左有清燉既牛𦟌，仲有鹵煮既牛筋同牛肚。厚身既牛𦟌燉煮得岩岩好，肉有咬口，但筋位燉得夠林，既香滑又軟糯👍🏻至於鹵煮既牛肚就煮得好夠時間，牛肚香味夠濃，冇異味得黎又唔會好咸😋牛筋就既入味又軟糯，又林又滑。