等等HEA

营业中

休息中

【等等HEA - 台式小食放題】台式小食餐廳我地就食得多啦！ 但原來台式小食都有放題😂 滿足晒我哋宜家去唔到旅行又想一次過食曬台灣嘢嘅慾望🤤 以下呢幾款我幾推薦大家食台式烤香腸佢有兩款烤腸，一隻正常，一隻係墨魚味。兩隻都烤得好好食，肉質彈牙，唔會有d奇怪腸味😂另外，個人幾推介佢個黑松露黃金花枝丸🍢 有好多黑松露喺面，味道超香濃😚 同樣口感彈牙，爽！阿等麵線🍜其實即係阿宗麵線😂 我之前喺台灣冇食過，但fd超推薦。本身睇佢其貌不揚😂 但估唔到又真係幾好食！佢味道有啲似碗仔翅，而且都幾足料！其他小食都OK嘅，全部都過到口癮，但反而個芝士流心蛋餅就一般啦🥴 蛋餅比較厚而無乜餡，芝士味亦都唔突出，成件事就食緊d好飽但無乜味既野。而且份量都幾大份，就唔好嘥咗個位啦🤣值得一提既係佢嘅嘢飲都係任飲！唔係汽水同紙包飲品，而係奶蓋茶，珍珠奶茶🧋，蘇打等等！ 淨聽到任飲珍奶都已經心心眼😍 雖然係好fatfat🥲🥲Any肥，以放題黎講，食物整體質素係唔錯，可以令好想去台灣嘅你大飽口福😋 不過繁忙時間就好多人，座位之間比較迫同埋店員會亂，容易錯單。