台灣麵

营业中

休息中

難得可以早收工，又未到食晚飯時間，不過有啲肚餓喎，所以就諗住附近搵個地方食少少野。今次就揀咗第一城嘅台灣麵食下午茶。呢度嘅下午茶有好多選擇，例如台式小食台灣麵或者飯等等，最多選擇就當然係台式飲品啦！首先嚟嘅就係番茄湯手撕雞米線。番茄湯味道比較淡；雞絲份量雖然算多，但係肉質不夠嫩滑，所以總體來講都算比較普通。另外，跟餐嘅豬頸肉就比較好食，豬頸肉大塊得嚟亦有口感。平時我最怕飲太甜嘅嘢，好彩呢度嘅珍珠奶茶可以叫少甜，所以味道就比較適合怕甜嘅我。呢個下午茶餐總共41蚊，價錢同質素都算中規中矩。