影片
更多
2025-02-10
140 浏览
今日又出到黎旺角做野，比我搵到呢間好特別既台式餐廳，裝修好似酒吧咁，有桌球枱、有飛鏢，竟然係食台灣嘢，我好好奇地問咗老闆，原來佢哋夜晚真係酒吧，中午就做台式午餐😮吉列芝心火腿雞扒滷肉便當 （$85）上枱熱辣辣相信係即刻炸既，裡面既火腿同雞肉都好嫩口，唔會好鞋，肉燥飯調味都唔錯，肉燥好入味，肥瘦適中，入口即溶，撈飯食好好味，另外配咗一隻雞蛋，同埋有青瓜做配菜🐥小份鹽酥雞＋小碗滷肉飯 （$68）鹽酥雞都係熱辣辣，雞肉大細適中，太大件會太乾唔夠juicy，太細粒又會覺得好少，呢個size就岩啦，鹽酥雞同滷肉飯分開裝，唔會影響到各自既味道，雖然話係小份，但我覺得唔算太細👍🏻培根起司雙蛋蛋餅（$38）蛋餅我覺得整得好似台灣食既，皮薄餡靚，最值得讚係個皮夠煙靭，蛋味好香，夾咗煙肉同好多芝士，真係幾好食🥪凍頂烏龍奶茶（微甜）（套餐+$12）套餐可以加錢加飲品，餐廳推介呢杯凍頂烏龍奶茶，飲落係幾清新，有淡淡既香味，真係唔錯🧋呢間餐廳食lunch幾好，食完可以掟陣鏢先再番工，中間波枱篤波又得，有機會夜晚黎試下係咩一回事先😆
吉列芝心火腿雞扒滷肉便當 （$85）
上枱熱辣辣相信係即刻炸既，裡面既火腿同雞肉都好嫩口，唔會好鞋，肉燥飯調味都唔錯，肉燥好入味，肥瘦適中，入口即溶，撈飯食好好味，另外配咗一隻雞蛋，同埋有青瓜做配菜🐥
小份鹽酥雞＋小碗滷肉飯 （$68）
鹽酥雞都係熱辣辣，雞肉大細適中，太大件會太乾唔夠juicy，太細粒又會覺得好少，呢個size就岩啦，鹽酥雞同滷肉飯分開裝，唔會影響到各自既味道，雖然話係小份，但我覺得唔算太細👍🏻
培根起司雙蛋蛋餅（$38）
蛋餅我覺得整得好似台灣食既，皮薄餡靚，最值得讚係個皮夠煙靭，蛋味好香，夾咗煙肉同好多芝士，真係幾好食🥪
凍頂烏龍奶茶（微甜）（套餐+$12）
套餐可以加錢加飲品，餐廳推介呢杯凍頂烏龍奶茶，飲落係幾清新，有淡淡既香味，真係唔錯🧋
呢間餐廳食lunch幾好，食完可以掟陣鏢先再番工，中間波枱篤波又得，有機會夜晚黎試下係咩一回事先😆
张贴
