老街 (西洋菜南街) (已結業)

滷肉香酥排骨便當$56 份量好大，都要同人share先食得晒。滷肉汁好味，多料唔會太水，食到有肉碎、五花肉、冬菇粒。鹹度適中攞嚟送飯就最啱啦。隔離佢都會比一啲咸菜，鹹鹹地但係份量唔多，所以食落去撈埋啲滷肉飯好開胃。佢都加咗一嚿煎焗薯仔粒，薯仔好明顯焗左所以係脆皮，表面仲加咗啲調味。但係硬係覺得滷肉飯再加一舊焗薯仔有啲怪😂個炸排骨炸得都ok ，可能個排骨有啲薄，所以炸完之後有啲乾。不過都幾大舊，都算抵食嘅。滷肉鹽酥雞便當$56 個滷肉飯、肉燥汁、蛋同埋酸菜都同排骨嗰個餐一樣。炸雞都好味只係冇乜調味所以齋食嘅話就有啲dry 。