百芳池上便當 (大河道) (已搬遷) 新店位置

今日放假到aeon買定用品，見開始夜要買埋外賣回家食了。見到台式既百芳池上便當，價錢又唔係貴，整個返家慢慢食唔洗煮。整左個台灣焢肉便當加杯碳焙鐵觀音拿鐵。在旁邊坐住等，5分鐘以內就有了，都算幾快。台灣焢肉便當:有半隻滷水蛋都幾入味。近似五花腩既豬肉又唔會好肥，炆完個d肥膩感都冇埋，反而有肉香加肉汁。配菜既粉絲吸收晒日月精華仲好味，仲有菜加粟米粒還有少許辣既菜寶。便當既份量都正常，食完夠晒飽。再享受埋杯碳焙鐵觀音拿鐵，正常甜同冰咁先係最好味道。茶味幾香又唔會蓋過全部味道，加上奶香味就輕輕帶出拿鐵既美味。