度小月 (海運大廈) (已結業)

之前留意到雜誌介紹，度小月已經係香港開咗分店，以前係台北食過，覺得幾有風味，所以香港都有得食就方便好多。不過開幕之後，經過開都有人等位，所以直到近期先約朋友去試。六點九去到，大確等左十五分鐘就有位。分別叫咗六樣野，擔仔麵、擔仔米粉、魯肉飯、紹興雞、蚵仔湯同櫻花蝦煎蛋。蚵仔湯好重薑味、亦都幾鮮，冬天飲好暖胃。另外本身比較鍾意食米粉，擔仔米粉食完一碗真係唔係幾夠喉，因為整碗麵充滿肉汁，都有衝動叫多一碗。至於肉燥飯就不過不失。最後，櫻花蝦煎蛋係咁多樣最大份既，我覺得煎得脆口亦有粒粒分明既櫻花蝦仔，係比較飽肚既選擇。整體而言，同台灣質素差不多，印象中價錢亦差不多，相信間中會再黎。