台北人 (已結業)

依間小店主打台灣便當外賣，亦有唔同小食，眼見大部分食物都係即叫即造。店面裝修睇落簡潔企理，但格局就令排隊冇咁方便。阿嬤雞腿便當 🍱 $65便當既米飯係珍珠米口感，唔乾身且粒粒分明，兩件雞腿都好大份，即使拎番屋企食，外皮都依然香脆。我特別鍾意佢地既配料，既有開胃爽口既小菜，亦有清淡既蔬菜，每款都增添唔同風味，但榨菜同木耳都係偏辣，🌶️ 食唔到辣既朋友就要留意。蛋餅 🌯 $22蛋餅配料任君選擇，餅皮幾香口，但係偏硬身個隻，加上比較薄身，唔算抵食。冬瓜茶🥤 (跟餐)清涼解暑，岩曬夏日炎炎既日子，但味道偏甜，包裝唔算方便，而且幾易溢出。