臺北棧 (形點 I) (已結業)

作為台式料理頂流一份子嘅📍🇹🇼臺北棧，終登陸大西北地區，位於元朗形點1期，系1樓向時裝店CK方向落地下就見到。餐廳以開放式裝潢為主，配以藍天波浪，枱凳以藍色粉紅做底。一貫台式小清新風。🇹🇼髒髒芋泥鹹蛋黃蛋餅已切好嘅蛋餅方便客人食用，上層有紫薯粉、鹹蛋黃香味十足，蛋餅餡有滿滿嘅芋泥，視覺亦好吸引。味道獨特。飽肚十足。賣相好吸引。🇹🇼台式手抓餅披薩$128鍾意食台灣腸嘅朋友仔可以一試，披薩上有一浸芝士系表面，玩到拉絲之餘，又同台灣腸好夾。台腸包括墨汁腸、原味腸同埋黑椒腸，好好食!!🇹🇼三色鹽酥雞$128 好大舊鹽酥雞，絕無欺場，雞肉質乾身，炸至外皮香脆，配以是柚子醬、松露醬、喇沙醬等，口感清新，滋味十足。🇹🇼招牌魯肉飯$68肥瘦勻稱稱的滷肉飯鋪滿整碗飯，滷肉多汁，同白飯系一流配搭，又有糖心蛋和黃蘿蔔， 份量十足。🇹🇼紅豆沙牛乳$48好鍾意喝呢杯紅豆沙牛乳，不單止起沙，有十分甜，牛乳香滑無比。今次再光顧，分店食物質素仍有水準，下次系元朗行街都會再光顧！