Simplylife Bakery Cafe (已結業)

哩個品牌，我多光顧又一城分店，是日，為方便飯後飲嘢，就幫襯哩間，首先，服務員態度很不友善，佢似客多過我（可能，係銅鑼灣地區 style，串），我坐的位置梳化好凹、有污漬、兼對風口，就要求調位（我已經唔該前唔該後），唔使問，都知啲職員西唒面（唔使咁嘅，話唒我都係客）～份扒叫七成，佢出五成，又要去煎過～ 講新鮮情度，當然又一城店好啲，如果非地點有所要求，幫襯又一城店會開心啲，員工雖不是服務非常殷勤，至少，唔會冇水洗面咁返工，而且，蛋糕甜品款式更多、食物較新鮮、烹調手法較理想。仲有，銅記店啲冷氣開到雪房咁，好似唔使交電費，真係既唔環保，夏天時，啲客一冷一熱，真係好易病～