屋子咖啡

营业中

休息中

放工後想搵個舒服既地方同幾多朋友傾計食飯，於是就係大圍搵到依間cafe。cafe吾太起眼亦吾算好大，不過勝在易去，裝修簡約而且坐得舒服。menu係以前讀書時期用既練習簿，好有心思，佢地主打台日料理，主打定食、蓋飯同窩夫。晚飯我叫左個比較飽肚既關西牛肉定食，包前菜沙律，主食配碗飯，同埋餐飲($69) 。我幾鐘意佢個牛肉定食，佢有少少似壽喜燒既味道，有湯浸住d牛肉同薯粉，甜甜地幾好味。牛肉既份量對我後黎講岩岩好，薯粉係比較淋身而吾係彈牙果種，不過我又覺得整體口感吾錯。另外我仲叫左杯薑茶，薑味比較淡吾夠濃味，如果薑味重d更好。整體黎講吾錯，如果想食下輕食，都可以考慮一下屋子，今次未有時間食甜品，下次一定要試。