蝦蝦燒 (已結業)

講真蝦蝦燒呢個任飲任食2.5小時的玩法，真係非常吸引！除咗價錢抵之外，至緊要既系佢新鮮流水蝦同所有食材的質素非常高！晤食就真係走寶了！比想像中更生猛的蝦，尺寸都極大隻，極驚喜，記得要先在冰桶浸下，如果唔係隻蝦就會在爐上跳出去了。一邊撈一邊燒，成餐飯同朋友的互動都好多，趣味十足，好適合一家大細。游水蝦燒出嚟勁鮮甜，基本上晤洗點任何醬汁都已經好好味！不過都可以試吓店家準備的各種醬料，全部都係自助形式，可以自由搭配。最估唔蝦膏勁好味，大多數蝦都可以搵到。另外店家有事先準備好一盤牛油蒜香焗蝦，在等待燒食物的過程中可以解饞。另外每人都會有一支好厚肉的鰻魚串，肉質勁肥美，燒到好香口，味道很好。店家提供自助海鮮，選擇好多，除左海鮮貝類，仲有鮑魚，魚，帶子…另外仲有各種肉類，燒烤串，熟食，仲可以煮粉麵，食到勁飽！燒菠蘿好適合在臨尾飽飽滯滯時食，香甜可口，燒左之後更帶出個香味，真係解膩首選！